బీటెక్ అర్హతతో స్టేట్‌ బ్యాంక్‌లో 169 ఉద్యోగాలు.. రూ.85,920 వరకు జీతం.. SBI SCO నోటిఫికేషన్‌ విడుదల

State Bank of India SCO Recruitment 2024 : స్టేట్‌ బ్యాంక్‌ ఆఫ్‌ ఇండియా మరో జాబ్ నోటిఫికేషన్‌ విడుదల చేసింది. ఈ పోస్టులకు సంబంధించిన దరఖాస్తు ప్రక్రియ కూడా ప్రారంభమైంది. వివరాల్లోకెళ్తే..

SBI SCO Recruitment 2024 : దేశంలోని అతిపెద్ద ప్రభుత్వ రంగ బ్యాంకు స్టేట్‌ బ్యాంక్‌ ఆఫ్‌ ఇండియా (State Bank of India).. సెంట్రల్ రిక్రూట్‌మెంట్ అండ్‌ ప్రమోషన్ డిపార్ట్‌మెంట్, కార్పొరేట్ సెంటర్.. స్పెషలిస్ట్‌ కేడర్‌ ఆఫీసర్ ఖాళీల భర్తీకి ప్రకటనను విడుదల చేసింది. ఈ నోటిఫికేషన్‌ ద్వారా 169 అసిస్టెంట్ మేనేజర్ నియమకాలకు దరఖాస్తులను ఆహ్వానిస్తోంది. ఈ పోస్టులకు ఎంపికైన అభ్యర్థులు దేశ వ్యాప్తంగా ఉన్న ఎస్‌బీఐ శాఖల్లో విధులు నిర్వర్తించాల్సి ఉంటుంది. బీఈ/ బీటెక్‌ ఉత్తీర్ణులైన అభ్యర్థులు అప్లయ్‌ చేసుకోవచ్చు. ఆసక్తి ఉన్న అభ్యర్థులు డిసెంబర్‌ 12వ తేదీలోగా ఆన్‌లైన్‌లో దరఖాస్తు చేసుకోవాలి. అభ్యర్థులు పూర్తి వివరాలను అధికారిక వెబ్‌సైట్‌ ద్వారా తెలుసుకోవచ్చు. అలాగే.. అప్లయ్‌ చేసుకోవడానికి లింక్‌ ఇదే.

మొత్తం ఖాళీల సంఖ్య : 169

• అసిస్టెంట్ మేనేజర్ (ఇంజినీర్- సివిల్) పోస్టులు : 42 పోస్టులు
• అసిస్టెంట్ మేనేజర్ (ఇంజినీర్- ఎలక్ట్రికల్)పోస్టులు : 25 పోస్టులు
• అసిస్టెంట్ మేనేజర్ (ఇంజినీర్- ఫైర్) పోస్టులు : 101
• అసిస్టెంట్ మేనేజర్ బ్యాక్‌లాగ్ ఖాళీలు పోస్టులు : (ఇంజినీర్- సివిల్): 01

ఇతర ముఖ్యమైన సమాచారం :

• అర్హతలు: బీఈ/ బీటెక్‌ (సివిల్ ఇంజినీరింగ్/ ఎలక్ట్రికల్ ఇంజినీరింగ్/ ఫైర్/ సేఫ్టీ అండ్‌ ఫైర్ ఇంజినీరింగ్/ ఫైర్ టెక్నాలజీ అండ్‌ సేఫ్టీ ఇంజినీరింగ్) ఉత్తీర్ణతతో పాటు పని అనుభవం ఉండాలి.
• వయోపరిమితి: 01.10.2024 నాటికి అసిస్టెంట్ మేనేజర్ (ఇంజినీర్- ఫైర్) పోస్టులకు 21 నుంచి 40 ఏళ్లు.. ఇతర పోస్టులకు 21 నుంచి 30 ఏళ్ల మధ్య ఉండాలి.
• బేసిక్ పే స్కేల్: నెలకు రూ.48,480 నుంచి రూ.85,920 వరకు చెల్లిస్తారు.
• దరఖాస్తు ఫీజు: రూ.750 (ఎస్సీ, ఎస్టీ, దివ్యాంగులకు ఫీజు చెల్లింపు మినహాయింపు ఉంటుంది).
• ఎంపిక విధానం: ఆన్‌లైన్ రాత పరీక్ష, ఇంటరాక్షన్ ఆధారంగా.. అసిస్టెంట్ మేనేజర్ (ఇంజినీర్-ఫైర్) పోస్టులకు అప్లికేషన్‌ షార్ట్‌లిస్టింగ్, ఇంటరాక్షన్ ఆధారంగా అభ్యర్థుల ఎంపిక ఉంటుంది.
• జాబ్‌ లొకేషన్‌: దేశవ్యాప్తంగా ఉన్న ఎస్‌బీఐ శాఖల్లో ఈ నియామకాలు ఉంటాయి.
• దరఖాస్తు విధానం : ఆన్‌లైన్‌ విధానంలో అప్లయ్‌ చేసుకోవాల్సి ఉంటుంది.

నోటిఫికేషన్‌

SBI-SO

ముఖ్యమైన తేదీ:

• దరఖాస్తులు ప్రారంభ తేది: నవంబర్‌ 22, 2024
• దరఖాస్తులకు చివరితేది: డిసెంబర్‌ 12, 2024
• ఫీజు చెల్లింపునకు చివరితేది: డిసెంబర్‌ 12, 2024